SEMENTANDO VIDA

O experimento de xerminación de landras, castañas e noces funcionou!! O fiuncho que plantamos vai medrando para alimentar as nosas eirugas. Algunhas das nosas sementeiras xa teñen brotes  

No ámbito club de letras, en 3º ciclo, o alumnado de 5º e 6º investigamos sobre o que é un oasis de bolboretas co fin de enriquecer a nosa horta e atraer así especies de bolboretas da contorna. Indagaremos sobre os tipos de bolboretas que existen e   cales viven no noso entorno, características de cada unha e necesidades na súa alimentación co fin de plantar todas as especies de plantas necesarias para que atopen un entorno favorable no que podan vivir e alimentarse bolboretas da nosa zona nas súas diversas fases de desenvolvemento. Para rematar elaboramos un podcast de divulgación científica para compartir as nosas investigación cos compañeiros e cas familias. AROMÁTICAS FIUNCHO, RUDA, CAPUCHINA E OUTRAS PLANTAS AROMÁTICAS DIVERSAS, LILIÁCEAS, UMBELÍFERAS, CRUCÍFERAS E LEGUMINOSAS ESTRUGAS E PLANTAS SILVESTRES

Como todos os anos, o 21 de marzo día da poesía, subimos todo o colexio ao monte comunal de Areas para plantar árbores autóctonas ou moi adaptadas á nosa contorna como: teixos, alcornoques, fresnos, acibro, carballos e castiñeiros. É unha celebración que levamos a cabo cada ano preparando poesías e cantigas que falen da importancia da reforestación e o coidado da contorna. Nesta ocasión contamos tamén cun concerto de Migallas. PODCAST  https://go.ivoox.com/rf/125951717

Entre toda a comunidade, familias alumnado e profes montamos os novos bancais, os recheamos con pedras na base para que drenen ben e non se movan e con cortiza de piñeiro natural sen tratar coa que nos agasallou unha das familias. Enriba botamos unha mestura de terra con area e lle botamos o compost que nos trouxo o concello, xa que o noso compost non nos chegaba para todos os bancais. Coa colaboración de todxs en catro semanas a nosa horta estivo xa preparada para preparar o rego e sementar! Marco de madeira feito por Pablo (pai de Alicia). Deste xeito os bancais quedan protexidos polos laterais e non hai perigo para os pequenos. Ademáis dota de robustez a estructura o que pensamos que vai repercutir na durabilidade.