SEMENTANDO VIDA

 🌞🪴🪴🪴 Última sesión de ecohorta coa nosa asesora Gemma. O alumnado de 3º desfrutou hoxe de dous obradoiros: 🌱Con experimentación moi divertida Gemma ensinounos como analizar distintas mostras de terra para ver a cantidade de materia orgánica que tiñan, como retiñan cada unha a agua, se drenaban ben ou tendían a encharcarse… Tamén xogamos a moldear anacos de terra das distintas mostras e comprobamos que canta máis arxila más doado  era de compactar e darlle forma… 🌱 No seguinte obradoiro observamos e probamos distintas plantas da nosa horta e finalizamos botándolle cáscara de piñeiro aos bancais coa intención de axudar á terra a conservar a humidade.💦

O luns os alumnos de 5º de EP tivemos un novo encontro con Gemma, a nosa asesora da ecohorta, esta vez fixemos catro obradoiros: 🌱Observar a evolución do bancal rexenerativo (a partir de agora serán os compañeiros de 6º os que se ocuparán do rego e control deste bancal cada día) 🌱Quitar “Herbas boas” non sementadas por nós na horta para que non compitan coas que nos queremos colleitar. 🌱Descubrir o poder da fermentación: fixemos “chucrut” de repolo. 🌱Coñecer as crucíferas 🥬 da horta da nosa terra e investigar sobre o seu aporte nutricional.

No mes de maio, este ano propuxemos facer actividades relacionadas con todos os proxectos que imos desenvolvendo nas aulas ao longo do curso, para darlles visibilidade pero facendo fincapé en que esa transmisión sexa na nosa lingua. O alumnado de 6º encargouse de identificar as plantas da horta e con axuda da profe de lingua, crear un pequeno xogo de identificación das plantas da horta en galego, cunha versión de asociación planta - froito visual para os máis pequenos. Este documento imprimímolo, recortámolo e repartímolo por todas as clase ensinando como xogar. Están por unha banda as imaxes, por outra as palabras e ao final en dúas páxinas a solución. xogo de identificación