SEMENTANDO VIDA

Rego con materiais de refugallo Hoxe volveu a visitarnos Gemma, a nosa asesora de hortas escolares . Con ela elaboramos distintos sistemas de rego con envases reciclados, cordeis, alambres etc. Tamén pirograbamos os carteis das familias hortícolas que imos poñer nas mesas de cultivo e decidimos buscar mes a mes refráns da horta e colocar o refrán do mes no panel de rexistro de actividades da horta.

Sara, a mestra composteira do Concello de Tui explícanos como funciona a composteira municipal e cales son as súas vantaxes. Explícanos tamén como manter a nosa composteira en boas condicións. O alumnado de terceiro toman nota de todo para transmitir toda a información ao resto dos compañeiros e compañeiras do cole.  

Limpamos e botamos compost Comezamos a preparar a terra, limpar as herbas que creceron no inverno, remover a terra para osixenala. Comprobamos que a terra que temos é maioritariamente sustrato que ven mesturado con vermiculita o cal vai a axudar ao drenaxe. Removemos ben a terra para aireala, engadimos compost da nosa composteira e a deixamos reposar uns días para que se asente e mentres imos comezar a preparar as primeiras sementeiras. Plantamos algunhas crucíferas no bancal norte do cole: lombarda, repolo corazón de boi, coliflor, kale, brócoli, pack choi...

Divulgación do aprendido no cole Durante varias semanas os alumnxs de 1º e 3º foron visitando todas as aulas do cole para transmitirlles aos seus compañeirxs todo o aprendido nos obradoiros coa asesora de hortas escolares. Explicouselles así a todas as clases como foi deseñada a horta para este curso e cómo imos organizarnos para colaborar todos en todas as tarefas que fagamos. Para isto asignáronse zonas de traballo na horta para cada curso.

Lombrices californianas En xaneiro, os alumnos de 1º e 3º de primaria reunímonos para construir unha vermicomposteira . Aproximámonos con este proxecto ao mundo das lombrices californianas e tomamos conciencia da importancia destes vermes na descomposición da materia orgánica e enriquecimento do chan. As lombrices californianas precisan comer restos de froita e verdura crúas sen cociñar. Picámosllo todo o que podemos para que o proceso sexa máis rápido.

Obradoiros para deseñar a horta Os alumnos de 1º e 3º realizamos tres obradoiros durante toda a xornada para realizar distintas actividades enfocadas ao deseño da horta de este curso. Fixemos unha maqueta da horta circular que queremos facer, organizamos as plantacións que imos sementar en cada mesa de cultivo para poder levar a cabo a rotación ano tras ano e comprobamos a calidade da terra das mesas de cultivo e do noso compost. O deseño da nosa horta está inspirado nun método de agricultura ecolóxica chamado "Parades en crestall" deseñado por un agricultor maiorquín chamado Gaspar Caballero. Os aspectos deste método que imos desenvolver son: compost en superficie nas mesas de cultivo, rotación de cultivos e rego por goteo.

As familias das plantas Hoxe recibimos á nosa asesora de horta escolar e aprendemos con ela as familias hortícolas ás que pertencen as hortalizas, legumes, raices e verduras que imos sementar. A horta circular que imos facer vai a estar organizada por familias.