SEMENTANDO VIDA

 Hoxe tivemos a primeira visita de Gemma, a nosa asesora da Eco horta 🌱🌱🌱 Coa súa axuda, o alumnado de 3º e 5º fixemos tres obradoiros: -1º Observar e tomar nota do estado da horta para saber de ónde partimos e determinar a rotación dos cultivos nos bancais este curso. - 2º ⁠Sementar leguminosas como  abono verde para enriquecer a terra da horta 🫘: probremos distintos tipos de leguminosas para ver cales saen mellor: lentellas, xudías, fabas, garavanzos e trebo verde. - 3º ⁠Preparar tostas con algúns xerminados sinxelos que podemos facer na casa como as pipas de xirasol ou alfalfa e descubrir novos sabores que  aportan moitos nutrintes á nosa dieta🌱😋

 Seguimos recollendo Kale, acelgas, cenorias, leitugas, cabaciño, os primeiros tomates, physalis e moita albahaca morada. Facemos pizzas ás que lle botamos todas as verduras que podemos.  Tamén facemos despedidas coas familias de 1º, 2º e 4º de E.P e entre moitos picoteos preparamos pestos de albahaca verde e morada da nosa horta e augas aromatizadas con menta e outras bebidas detox que aprendimos a facer nos ámbitos.

Hoxe recibimos a cuarta visita de Gemma. Organizamos coma sempre 3 obradoiros pero o obxectivo máis importante desta visita era experimentar con distintos tipos de acolchado e a súa eficacia para rematar botando o máis eficiente na nosa horta e manter a humidade dos bancais. Os obradoiros se organizaron do seguinte xeito: 1. Experimentos sobre a eficacia dos acolchados. Comprobamos en tres recipientes, un con terra soa noutro con fentos e follas diversas e no último con cortiza de piñeiro sen tratar. Cal retén máis a auga? Despois de botar en recipientes coa mesma capacidade a mesma cantidade de auga vemos deseguida que a cortiza de piñeiro é a cobertura que mellor retén a auga. 2. Acolchamos a horta coa cortiza de piñeiro. 3. Rematamos a instalación do rego por goteo nalgúns bancais coma o dos amorodos. Iniciamos o rego do arrecendario que nun futuro conectaremos a un depósito que recolla a auga da chuvia.

A nosa horta a 12 de xuño luce así... A nosa colleita para facer unha ensalada. Complementamos con algunhas cousas do mercado pois aínda non están maduros os nosos tomates e pepinos.

Esta semana as familias e profes do CEIP N1 fixemos un roteiro da man de Cesar Lema polos arredores do noso cole. Durante dúas horas, ademáis de disfrutar dun maravilloso paseo aprendimos a identificar algunhas herbas silvestres moi comúns en Galicia que son comestibles e ademáis teñen moitas propiedades mediciñais. Algunhas das que atopamos foron: malvas, sabugueiro, herba camín ou tintoreira, amor de home, llantén, fumaria, herba de San Roberto, borraxa, rumex crispus... e para rematar Cesar e a súa compañeira Goja agasalláronnos cunha merenda de pizzas feitas de herbas silvestres e un café de dente de león.   

Coñecendo as plantas da horta, concretamente as aromáticas podemos descubrir un montón de remedios para a pel, o cabelo... a cosmética natural utiliza moitas das plantas que temos plantadas na horta. Nos distintos niveis, dende infantil ata primaria investigamos sobre as plantas, buscamos propiedades e os seus posibles usos. Ao longo do curso varias persoas expertas viron a visitarnos para axudarnos a profundizar neste tema. O ámbito natural social este ano centrouse na cosmética respetuosa tanto co medio ambiente como cos animais. Algunhas persoas expertas ofrecéronnos modelos de prácticas locais respetuosas neste campo.            Stand no Congreso EDUCODS do ámbito Natural Social