SEMENTANDO VIDA

Este ano, os peques de infantil sementaron landras na clase de 3 anos no mes de outubro.  A idea xurdiu porque o alumnado recolleu landras no monte coas súas familias e as trouxeron ao cole. Despois de traballar con elas decidimos xerminalas. Cara o mes de febreiro-marzo as landras comezaron a brotar e obtivemos uns preciosos Carballos.  Os nosos carballos foron crecendo e decidimos trasplantalos para utilizalos na reforestación que realizaremos no monte de Areas no seguinte curso escolar.  Deixamos algunhas fotos para que vexades canto traballamos. 

 O alumnado de EI e EP do cole realizou no primeiro trimestre no ámbito Natural Social, unha tarefa sobre hábitos e alimentación saudable. No 3º ciclo adicamos unha sesión ao traballo de horta. Investigamos sobre as verduras de temporada, os seus beneficios etc... Aprendimos a identificadas na horta, a sementalas e coidalas ata a súa colleita. Tamén cociñamos con elas diversas receitas. O alumnado de 5º e 6º pasou pola horta a facer este traballo na terceira sesión do ámbito do primeiro trimestre, na tarefa "Da Terra ao prato". O traballo de investigación foi igual para todos os grupos e o resultado final foi organizar os cultivos por estacións e tamén situalos nos bancais correspondentes seguindo a rotación establecida. Entre todos lograron limpar ben os bancais, engadir compost, revisar o rego e plantar no lugar axeitado seguindo os patróns de plantación que buscaron para cada cultivo.

 O alumnado de 5º traballou no último trimestre unha unidade didáctica centrada nas crucíferas da nosa terra. O produto final foi un obradoiro intenso de cociña coas crucíferas que puidemos apañar da horta e algunhas máis e ofrecimos ás familias un aperitivo de alto valor nutricional totalmente feito por nós. Un éxito! OS NOSOS PLATOS FORON: Pizza de kale, tomate vermello e améndoas Ensalada de rúcula con tomates caramelizados e pesto da nosa horta. Empanadillas de lombarda, piñóns, mazá e cebola con salsa de soia. Empanadillas de repolo, noces e queixo. Tortiñas de cabaciña, que aínda que non é unha crucífera sairon moi boas e tiñamos cabaciñas na horta 😂 https://www.canva.com/design/DAGofX1dgKE/evJ3EHjrebQXUYF2ElJ7Nw/view?utm_content=DAGofX1dgKE&utm_campaign=designshare&utm_medium=link2&utm_source=uniquelinks&utlId=hf75a9704a9

 🌞🪴🪴🪴 Última sesión de ecohorta coa nosa asesora Gemma. O alumnado de 3º desfrutou hoxe de dous obradoiros: 🌱Con experimentación moi divertida Gemma ensinounos como analizar distintas mostras de terra para ver a cantidade de materia orgánica que tiñan, como retiñan cada unha a agua, se drenaban ben ou tendían a encharcarse… Tamén xogamos a moldear anacos de terra das distintas mostras e comprobamos que canta máis arxila más doado  era de compactar e darlle forma… 🌱 No seguinte obradoiro observamos e probamos distintas plantas da nosa horta e finalizamos botándolle cáscara de piñeiro aos bancais coa intención de axudar á terra a conservar a humidade.💦

O luns os alumnos de 5º de EP tivemos un novo encontro con Gemma, a nosa asesora da ecohorta, esta vez fixemos catro obradoiros: 🌱Observar a evolución do bancal rexenerativo (a partir de agora serán os compañeiros de 6º os que se ocuparán do rego e control deste bancal cada día) 🌱Quitar “Herbas boas” non sementadas por nós na horta para que non compitan coas que nos queremos colleitar. 🌱Descubrir o poder da fermentación: fixemos “chucrut” de repolo. 🌱Coñecer as crucíferas 🥬 da horta da nosa terra e investigar sobre o seu aporte nutricional.