SEMENTANDO VIDA

Actividades desenvoltas na aula Ademáis de todo o traballo exposto no blogue nas aulas desenvolvéronse diversas actividades de toma de conciencia medioambiental e aprendizaxe de aspectos concretos relacionados coa agricultura, a ecoloxía e a alimentación saudable. Algunhas destas actividades pertencían á maleta pedagóxica proporcionada polo plan proxecta de eco hortas escolares e outras estaban relacionadas con ámbitos de aprendizaxe ou programas diversos aos que se foi adherindo o cole. aquí podedes ver unha pequena mostra dalgúns deles. Agricultura tradicional vs industrial Actividade que se levou a cabo no mes de maio polos alumnos de 1º na que a través de diversos vídeos ofertados na maleta pedagóxica estudamos as accións respetuosas coa terra que caracterizaron sempre a agricultura tradicional e local e os métodos extensivos nos que se precisaba ao longo o uso de pesticidas que caracterizou o desenvolvemento da agricultura industrial así como as diferencias nos productos e no trab...

Herbas de San Xoán Para rematar o curso fixemos unha andaina coas familias polo sendeiro do río Louro en busca das herbas máxicas para elaborar a auga de San Xoán. Cada familia aportou os seus coñecementos e compartiu experiencias de recollidas o que nos permitiu coñecer novas plantas da zona. Nenos e nenas, avós e avoas, nais e pais e profes compartimos unha mañá de recollida respetuosa, tomando conciencia da importancia do coidado do noso entorno e valorando a biodiversidade de herbas que nos ofrece a natureza. Compartimos esta breve información sobre a tradición das herbas de San Xoán en Galicia e algunhas fotos das herbais máis significativas que podíamos atopar no percorrido.

Celebramos o III Congreso educativo EDUCODS e organizamos coa axuda dalgunhas familias un stand da nosa horta para mostrar á comunidade de Tui todo o que aprendimos este curso traballando diversos aspectos da nosa ecohorta.

Experimentamos con sementes e plantas Chegou a derradeira visita de Gemma, a nosa asesora da horta e imos facer con ela a técnica de reforestación "Nendo Dango". Gemma nos trae información de como Masanobu Fukuoka ideou esta técnica e como se fan estas boliñas de barro e sementes. Tamén aprendemos asociacións beneficiosas coma a Milpa. As boliñas que fagamos as donaremos á cooperativa dos nosos compañeiros de 6º para que as podan vender no mercado. Para organizarnos en grupos decidimos aproveitar a mañá para botar cobertura vexetal de palla na nosa horta (técnica que descubrimos a través da unidade didáctica que nos falaba do cambio climático), revisamos todas as aromáticas flores e plantas medicinais que temos na horta, dimos un paseo polo sendeiro do Louro en busca de flores de sabugueiro para facer un zume refrescante e comezar a preparar o cartel do stand da horta do congreso. Ao final da mañá as clases de terceiro e primeiro reunímonos para poñer en común o trballo de c...

Hoxe acompáñanos Patricia Paniagua para cociñar en familia productos da horta de tempada e deseñar menús saudables e sostibles. Fálanos da importancia de consumir productos locais de temporada para a nosa saúde e a do planeta. Utilizamos para elaborar os menús diversas hortalizas e herbas que temos na horta: Albahaca, ourego, salvia, cabaciños, tomates, remolachas e pepinos. Non temos a producción suficiente aínda na nosa horta para todas as elaboracións pero si temos exemplares de cada hortaliza e herbas que imos utilizar dado que a nosa horta inclue productos moi variados pertencentes as principais familias de hortalizas e verduras locais que consumimos.

Observamos como xerminaron as sementes de cosmos, capuchina e caléndulas e revisamos os xeranios e taxetes que van crecendo. Imos transplantando novas plantas en zonas onde non xerminaron as que sementamos. Queremos que as flores estén por toda a nosa horta para atraer os insectos polinizadores e enriquecer a biodiversidade da nosa horta. Seguimos botando compost as plantas que transplantamos á horta.

Hoxe visitounos Rosalía Herbalista que publicou un libro que fala de 7 herbas máxicas. As sete herbas máxicas agás o sabugueiro as temos plantadas na escola. Comezamos saíndo aos bancais onde temos maioritariamente aromáticas e comezamos recoñecendo as seis herbas coas que imos a traballar: Herba Luisa, Melisa, Ourego, Romeu, Aloe vera, Estrugas e o Sabugueiro que recollimos previamente xa que non o temos no cole. Aprendemos en familia diferentes pócemas con ela e as alumnas e alumnos que están toman nota de todo para facelo na aula as próximas semanas co resto dos compañeiros.

Cociñamos e degustamos nas aulas Recollemos chícharos, leitugas, herbas aromáticas e seguimos coidando os distintos bancais. Degustamos os productos da nosa horta e facemos receitas saudables nas clases. Ensaladas, pesto con albahaca, recollemos chícharos e os compañeiros de infantil cociñan con eles un arroz tres delicias.